Messinin Gələcək Karyerası Hansı Klubda Davam Edəcək? - İnsayderdən AÇIQLAMA

Nüfuzlu insayder Fabritsio Romano "İnter Mayami" klubunun argentinalı ulduz futbolçusu Lionel Messinin gələcək karyerasına dair məlumat paylaşıb. Oxu.Az bildirir ki, Romano sosial şəbəkə hesablarında Messinin MLS-nin müntəzəm mövsümünü 48 məhsuldar hərəkət (qollar+ötürmələr) toplamaqla başa çatdırdığına diqqət çəkib. Onun sözlərinə görə, Messinin indiki klubu ilə yeni müqavilə bağlamasına dair danışıqlar çox irəli mərhələdədir. Gözlənilir ki, hücumçu "İnter Mayami"də qalaca və yeni müqavilə imzalayacaq, detallar hazırda dəqiqləşdirilir.